பழையன கழித்திட
குப்பைகளை கிளறிய போழ்து
கிழிந்தும் கிழியாமலும் கிடந்த
ஒரு மஞ்சள் தாளில் இருந்தது.
இறுதியாண்டில் (1982)
பிரிவு உபசார விழாவுக்கு
"வாழ நினைத்தால் வாழலாம்
வழியா இல்லை பூமியில்":
என்ற பாட்டின்
மெட்டுக்கு எழுதியது
நண்பன் வெங்கட் பாடினான்.
.................................................................
வாங்க நினைத்தால் வாங்கலாம்
துணியா இல்லை கடையிலே
ஆலை நூலும் சேலை ஆகும்
காசு இருந்தால் வாங்கலாம்.
வாங்க நினைத்தால் வாங்கலாம்
துணியா இல்லை கடையிலே
ஆலை நூலும் சேலை ஆகும்
காசு இருந்தால் வாங்கலாம்.
நூற்கத் தெரிந்தால் நுட்பம் புரியும்
நூற்பு முடிந்தால் நெய்தல் தொடரும்
நெய்தல் தொடர்ந்தால் துணிகள் தெரியும்
துணியை வெளுத்தால் வெண்மை கிடைக்கும்
வெண்மை கிடைத்தால் கடையில் சேரும்
கடையில் சேர்ந்தால் வாங்கலாம்
வாங்க நினைத்தால் வாங்கலாம்
துணியா இல்லை கடையிலே
ஆலை நூலும் சேலை ஆகும்
காசு இருந்தால் வாங்கலாம்.
கண்ணில் தெரியும் வண்ணத் துணிகள்
கடைக்குப் போனால் வாங்கலாம்
பருத்தி இழையின் மென்மை தெரியும்
பார்த்து பார்த்து வாங்கலாம்
நிறங்கள் பலவும் கண்ணை மயக்கும்
நம்மை மறந்து வாங்கலாம்
வாங்கச் சொன்னால் வாங்குவேன்
துணியா இல்லை கடையிலே
பருத்தி நூலில் நெய்த சேலை
பாத்து பாத்து வாங்குவேன்
பட்டு நூலின் மென்மை சாட்சி
பருத்தி துணியின் நிறங்கள் சாட்சி
துள்ளி ஓடும் Shuttle சாட்சி
துவண்டு நிற்கும் தறிகள் சாட்சி
ஐந்து வருடம் சேர்ந்து படித்து
ஒருவராக இருந்து மகிழ்ந்தோம்
வாங்க நினைப்போம் வாங்குவோம்
துணியா இல்லை கடையில்
பருத்தி துணியின் மேன்மை போலே
பருவம் தோறும் உடுத்தி மகிழ்வோம்
வாங்க நினைப்போம் வாங்குவோம்
துணியா இல்லை கடையில்
பருத்தி துணியின் மேன்மை போலே
பருவம் தோறும் உடுத்தி மகிழ்வோம்
